Welcome to Datashar
(Currently Dataxit.com)

DataShar ကို စတင်နိုင်ရန် ၂၀၂၁ ခုနှစ်လောက်ကတည်းကပင် ကြိုးစားခဲ့ပြီး ဥပဒေရေးရာ အချက်အလက်များကို တစ်နေရာတည်း စုစည်းဖော်ပြပေးနိုင်မည့် ပလက်ဖောင်းဖြစ်စေနိုင်ရန် ရည်ရွယ်ခဲ့သည်။ လွန်ခဲ့သောနှစ်များအတွင်း အခက်အခဲအမျိုးမျုးကြောင့် မစတင်နိုင်ခဲ့သော်လည်း ထိုရည်ရွယ်ချက်အတိုင်းပင် ယခု အကောင်အထည်ဖော်နိုင်ခဲ့သည်။

DataShar သည် တစ်နေရာတည်းတွင် နိုင်ငံတွင်း/ဒေသတွင်း/နိုင်ငံတကာ ဥပဒေရေးရာ ပြဌာန်းချက်များ၊ ဆောင်းပါးများ၊ သတင်းအချက်အလက်များကို ဖော်ပြပေးမည့်အပြင် လက်လှမ်းမီသော ဥပဒေဝန်ဆောင်မှုများကိုပါ နည်းပညာအသုံးပြု၍ ပံ့ပိုးပေးနိုင်ရန် နှင့် တရားဥပဒေရေးရာကဏ္ဍတွင် နည်းပညာအသုံးချမှုများကိုပါ သုသေသနပြု ပံ့ပိုးနိုင်ရန် ရည်ရွယ်ပါသည်။

DataShar ၏ ဥပဒေအချက်အလက်များ ဖော်ပြခြင်းကဏ္ဍ သည် အကျိုးအမြတ်မယူ သော ကြိုးပမ်းမှုဖြစ်ခြင်းကြောင့် အခကြေးငွေ ကောက်ယူခြင်းမရှိပါ။ အောက်ပါနည်းလမ်းများဖြင့် DataShar တွင် ပါဝင်နိုင်ပါသည်။

ဥပဒေပညာရှင်များ - ကျွန်ုပ်တို့၏ Facebook Group မှ တစ်ဆင့် ဥပဒေဆောင်းပါးများ ဖန်တီးရေးသားခြင်း၊ ဥပဒေရေးရာမှတ်ချက်များ ပေးခြင်း၊ ပါဝင်ဆွေးနွေးခြင်း တို့ဖြင့် ပံ့ပိုးအားဖြည့်ခြင်း။

ဥပဒေကျောင်းသားများ နှင့် အတတ်ပညာရှင် လူငယ်များ - DataShar Operation Team ၏ အဖွဲ့ဝင်အနေဖြင့် ပါဝင်ကူညီနိုင်ခြင်း။

DataShar သည် ဥပဒေရေးရာအချက်အလက်များအားလုံးကို စုစည်းဖော်ပြပေးနိုင်မည့် ဆုံမှတ်တစ်ခုဖြစ်သည့်အတွက် ဥပဒေနှင့်သက်ဆိုင်သော အကြောင်းအရာများ၊ ထုတ်ပြန်ချက်များ နှင့် သင့်အတွက် ဥပဒေရေးရာ သိကောင်းစရာများ အားလုံးကို ဥပဒေနယ်ပယ်မှ ပညာရှင်များ၊ ကျောင်းသားများသာမက အများပြည်သူများကပါ လေ့လာနိုင်၍ သင့် ဥပဒေရေးရာကိစ္စရပ်များအတွက် သင့်လျော်သော ကျွမ်းကျင်ပညာရှင်ကို

ယခု အပိုင်း (၁) တွင် ဥပဒေရေးရာ ဆောင်းပါးများ နှင့် ဥပဒေနယ်ပယ်အသီးသီးရှိ ပညာရှင်များထံ ချိတ်ဆက်နိုင်မည့် ကဏ္ဍတို့ကို ထည့်သွင်းတည်ဆောက်လျက်ရှိပါသည်။